వైష్ణవి విలాసం

ఇక్కడ ఉష అంటే ఎవరో చెప్పాలి. ఈమె నాట్యాచార్యురాలు ఉషారాణి కాదు. విలాస్ తల్లి ఉష. సాక్షాత్తు వైష్ణవి తండ్రి కి చెల్లెలు. విష్ణు చిన్నతనం నుంచే వాడిలో ఒకమంచి కళాకారిణిని చూసింది. విష్ణుని ఉషారాణి దగ్గర చేర్పించింది ఉషే. అయితే ఉషారాణి తో తనకొడుకు విలాస్ కి విష్ణు ని వైష్ణవి గా మార్చి పెళ్ళి చేసేందుకు సహకరించాలని కోరింది. అందుకు ఉషారాణి ఒప్పుకోలేదు. నేను కళాకారిణిని. ఇలాంటి అక్రమాలు నాకు ఇష్టం ఉండవు. ఒక సహాయం చెయ్యగలను. విష్ణు కి వైష్ణవి అనే పేరు పెట్టగలను. కానీ లింగ మార్పిడికి నేను సహకరించను. అలాగే మరో విషయం. గత నాలుగేళ్లుగా చూస్తున్నాను. మీ వాడు విష్ణు తో పది మందిలో కూడా విడ్డూరంగా ప్రవర్తిస్తుంటాడు. అదీ నాకు నచ్చలేదు. అది పద్ధతి కాదు. వాళ్ళిద్దరూ పెళ్ళి చేసుకుంటే వైష్ణవి గా విష్ణు సుఖపడతాడని నేననుకోను. అంది. ఈవిషయం జరిగి నాలుగేళ్లయ్యింది. ఇప్పుడు వైష్ణవి ఒక అద్భుతమైన కళాకారిణి. ఉషారాణి సహకరించకపోవటంతో ఉషే విష్ణు కి ఫిమేల్ హార్మోన్ లు పెరిగే మందులు పాలల్లో కలిపి ఇచ్చింది. ఇప్పుడు వైష్ణవి చక్కటి స్త్రీత్వాన్ని పొందింది. ఒక శస్త్ర చికిత్సే తరువాయి.
ఈ రోజు మహతిలో ప్రోగ్రామ్ అయ్యాకా "వైష్ణవి! రేపు ఉదయం ఒకసారి మా ఇంటికి రామ్మా! మీ బావ లేకుండా రా" అంది ఉషారాణి.
ఉష ఇంక వైష్ణవి తనకోడలైపోతుంది అనుకుంది.
గురువు ఉషారాణి చెప్పినట్లు వైష్ణవి గురువు గారి ఇంటికి వెళ్ళింది.
ఉషారాణి వైష్ణవిని గురు దక్షిణ కోరింది.
ఏం ఇవ్వను గురువు గారు? అని అడిగింది.
నీ బావంటే నీకు ఇష్టం కదూ!? అంది.
ఔనని తలూపింది వైషూ. అతణ్ణి పెళ్ళి చేసుకుంటావా? అడిగింది. మళ్ళీ తలూపింది.
అయితే నీ బావ కూడా నీలా నృత్యం చేయగలిగిన రోజు నువ్వతణ్ణి పెళ్ళి చేసుకో. అంది. అల్లాగే గురువు గారు. అని ఇంటికి వెళ్ళింది.
ఉషారాణి మాటలు విని వైష్ణవి అమ్మానాన్న, విలాస్ తల్లీ ఆశ్చర్యపోయారు.
కానీ విలాస్ మాత్రం ఆ షరతు కు ఒప్పుకుని ఉషారాణి దగ్గరే చేరాడు.
ఇక ఇద్దరి పెళ్ళి కోసం ఎదురు చూద్దాం.

సమాప్తం