Raj se Sejal tak ka safar - part 1 Kismat ki maar

Main kitchen mein chay-nashta bana rahi thi aur banate-banate mere haathon ki chudiyon ki aawaz se mujhe kuch alag hi feeling aa rahi thi. Pairon mein payal ki chham-chham ki aawaz poore kitchen mein aa rahi thi. Mujhe nashte mein zyada kuch banana nahi aata tha, isliye maine sirf chay aur toast bread bana liye.
Thodi der mein bell baji. Maine ek gehri saans li aur darwaza kholne chali gayi. Maine peek-hole se dekha toh Kumari thi, maine darwaza khol diya.
Kumari ne andar aakar darwaza band kiya aur seedha sofe par aakar baith gayi. Main darwaze ke peeche se dheere-dheere uske samne khadi ho gayi. Meri payal ki chham-chham se Kumari muskurayi aur boli, "Kaisa lag raha hai yeh sab pehnkar?"
Maine sharmate hue kaha, "Achha lag raha hai."
Kumari ne apna phone nikala aur ek pic le li, phir apna phone bag mein rakh diya.
"Achha, tum ab aurat ban gaye ho toh tumhara naam kya rakhna hai? Kyunki 'Raj' naam toh mard ka hota hai."
Maine kaha, "Mujhe 'Sejal' naam pasand hai."
Kumari ne kaha, "Toh theek hai, aaj se tumhara naam Sejal."
Phir Kumari ne kaha, "Aaj se tum ek maid ho, toh tumhe kuch rules follow karne padenge:
* Main tumhari teacher hoon aur tumhe yeh sab kaam sikhaungi, toh tum mujhe kabhi naam se nahi bulaoge. Tum mujhe 'Madam' kehkar bulaoge.
* Mere aane ke baad sabse pehle tum mere liye pani laoge aur phir chay-nashta dene ke baad tum ghar ka sab kaam karoge, jo main karti thi.
* Aaj se tum mere baad chay-nashta karoge, bhabhi ke sath nahi karoge. Kyunki maid hamesha last mein nashta karti hai.
* Aaj se mera har order tumhe manna padega aur agar nahi maane toh tumhe punishment milegi.
* Sunday ko chhodkar baaki ke sabhi din tumhe isi tarah ready होकर rehna hai. Sunday ko tum sirf mardon wale kapde pehan sakte ho kyunki us din bhabhi ghar par hoti hain. Par jab main aaun toh tumhe mujhe respect deni hai—tum koi bhi kaam kar rahe ho toh woh chhodkar mere liye khade hona hai.
* Tumhe kuch bhi karna hai toh meri permission leni padegi, jaise ki tumhe kuch khana hai, bahar jana hai ya washroom jana hai.
* Bahar jaoge toh baaki sab cheezein nikaal sakte ho, par panty nahi nikaal sakte. Main kabhi bhi pic mangwa sakti hoon."
Main hairaan hokar Kumari ki sab baatein sun rahi thi, par meri bolne ki himmat nahi ho rahi thi.
Kumari ne phir kaha, "Tum ab maid ho, toh ghar ke regular kaam mein bhi tumhe bhabhi ki help karni padegi. Jaise khana banane mein aur kabhi saman bahar se laane mein, woh sab kaam mein help karni hogi. Chalo jao, ab mere liye chay-nashta lekar aao aur uske baad tum pehle ghar mein jhadu-pocha lagao."
Main jaldi se kitchen mein gayi aur chay-nashta lekar aayi. Maine dining table par chay-nashta rakha aur seedha jhadu lekar jhadu marne lagi.
Sari pehnkar jhadu marne mein pareshani ho rahi thi. Kumari ne kaha, "Pehle apne pallu ko kamar mein khos lo taaki woh tumhe kaam karne mein pareshan na kare."
Maine vaisa hi kiya, apne pallu ko kamar mein laga liya jaise aurtein karti hain, aur jhadu lagane lagi. Jhadu lagate samay chudiyon ki aur payal ki aawaz aa rahi thi.
Kumari ne nashta kar liya tha aur woh sofe par baithkar mujhe dekh rahi thi.
Poore ghar mein jhadu lagane ke baad ab maine pocha lagana shuru kiya. Kumari ne mujhe bataya ki kaise baithkar pocha lagana hai. Maine vaise hi lagana shuru kiya, par sari mein aise baithkar pocha lagana bahut mushkil kaam hai. Main dheere-dheere poore ghar mein pocha laga diya.
Main itna kaam karke hi thak gayi thi aur pani pine chali gayi, toh Kumari ne kaha, "Kahan ja rahi ho?"
Maine kaha, "Pani pine."
Kumari ne kaha, "Tumne permission li mujhse? Maine kaha tha na ki koi bhi kaam ho, mujhse permission leni hai."
Maine kaha, "Sorry madam, bhool gaya tha. Madam, kya main pani pine ja sakti hoon?"
Kumari ne kaha, "Nahi, kyunki tum ab mard nahi ho, toh tumhe ab aurat ke jaise baat karni hai—jaise 'Kya main pani pine ja sakti hoon?' Aise, samjhi?"
Maine kaha, "Madam, kya main pani pine ja sakti hoon?"
Kumari ne haste hue kaha, "Yeh hui na baat! Tum bahut jaldi sab seekh jati ho. Tum sach mein ek aurat hi ho. Jao, pani pi lo."
Main pani pine chali gayi. Pani pine ke baad Kumari boli, "Chalo, ab bathroom mein kapde dhone hain."
Phir woh mujhe bathroom mein le gayi aur mujhe kapde kaise dhote hain, samjhaya. Maine dheere-dheere saare kapde dho diye aur mere kapde bhi thode geele ho gaye.
Kumari ne kaha, "Achha kaam kiya, par dheere-dheere tumhe speed badhani padegi. Aur kapde dhote samay kapde bheegne nahi chahiye, ab poora din kya kapde change karti rahogi kya! Aaj pehla din hai, us hisaab se tumne achha kaam kiya hai. Tum sach mein ek aurat ho jo itni jaldi sab kaam seekh jati ho. Ab aaj poora din isi bheegi hui sari mein rahogi, yehi tumhari punishment (saza) hai. Aur shaam ko change karne se pehle mujhse permission leni padegi, samjhi?"
Maine haan mein sir hilaya aur kaha, "Ji madam."
Uske baad Kumari wahan se chali gayi aur main bhi bheegi hui sari mein apna office ka kaam khatam karne lagi. Par laptop par kaam karte wakt chudiyon ki aawaz aur unka upar-neech hona ajeeb lagta hai. Pata nahi ye aurtein kaise sambhal leti hain chudiyan kaam karte wakt!
Office ka kaam karte-karte mujhe 5:30 baj gaye. Main Kumari madam ko message kiya, "Madam, kya main apne kapde change kar sakti hoon?"
Thodi der mein reply aaya, "Haan, tum kar sakti ho. Par jaisa maine bola tha, vaise tum panty change nahi kar sakti, samjhi?"
Maine kaha, "Ji madam, samajh gayi."
Maine fatafat kapde nikaalne shuru kiye aur sab accessories bhi nikaal diin. Panty ko chhodkar sab cheezein maine bag mein bhar diin aur uske baad maine jeans aur T-shirt pehan liya.
Thodi der baad Namrata aa gayi, woh bahut khush ho rahi thi. Maine pucha ki kya baat hai, toh usne mujhe bataya ki use promotion mila hai aur use training ke liye 15 din bahar jana hai.
Maine kaha, "Yeh toh bahut achhi baat hai! Kab jana hai?"
Toh usne मुझसे kaha ki 2 din baad jana hai.
Maine kaha, "Itna jaldi?"
Toh usne kaha, "Haan, company wale chahte hain ki jaldi training ho jaye aur main wapas company join kar sakoon."
Maine kaha, "Theek hai."
Namrata ne मुझसे kaha, "Tum kya karoge 15 din tak? Akele ho jaoge aur tumhara khana kaise manage hoga?"
Maine kaha, "Koi baat nahi, main bahar se order kar dungi."
Namrata ne kaha, "Nahi, bahar ka khana nahi! Tum ghar ka khana hi khaoge. Main Kumari aur Surekha ko bol deti hoon ki woh tumhare liye khana bana dein."
Kumari ka naam sunte hi mere andar ek ajeeb sa darr aa gaya.
Dekhte hi dekhte Namrata ne donon ko call lagakar bata diya aur kaha ki subah ka khana Kumari banayegi aur shaam ka khana Surekha banayegi.
Maine kaha, "Theek hai."
Thodi der mein mujhe Kumari ka message aaya— "Ab toh 15 din tak tum 24/7 maid bankar rahogi, Sejal!"
Main sirf "Ji madam" likha.
Mujhe ab bahut darr lag raha tha kyunki poora din maid ke jaise rehna padega aur Kumari ke dimaag mein pata nahi kya chal raha hoga.
Namrata apni tour par jaane ki taiyari mein lag gayi aur main apne kaam mein. Do din baad uski subah ki flight thi aur main usko chhodne airport gaya hua tha. Aane ke baad maine jaise hi apna phone dekha toh usme Kumari ka message tha— "Maid Sejal, ready rehna. 8:30 tak main aati hoon. Aaj se tumhari life change hone wali hai." aur smiley bheji hui thi.
Maine ghadi dekhi toh 7:30 baje hue the. Main fatafat ready hone chala gaya
Main jaldi se nahane chali gayi aur nahane ke baad maine woh bag nikala jisme mere maid ke kapde the. Pehle maine red color ki bra-panty pehni aur uske baad maine red color ka blouse aur petticoat pehna. Phir bag se maine red color ki sari nikaal kar pehan li. Uske baad maine donon haathon mein red color ki chudiyan pehni aur phir nosering, earrings aur payal pehan li. Uske baad maine mangalsutra pehna aur maathe par ek red color ki badi bindi lagayi. Last mein wig lagakar apne aap ko aaine ke samne dekha—bilkul ek aurat jaisi lag rahi thi!
Maine ghadi mein time dekha, abhi bhi 15 minute baaki the, toh main fatafat kitchen mein gayi aur chay-nashta banane lagi.
Thodi der mein doorbell baji. Main darwaza kholne gayi. Jaise hi maine darwaza khola, main hairaan reh gayi! Kumari ke sath Surekha bhi thi. Donon haste-haste baatein karte hue andar chali gayi aur sofe par baith gayi. Maine fatafat darwaza band kiya aur unke samne khadi ho gayi.
Thodi der tak un donon ki baatein chalti rahin, phir Kumari gusse se boli, "Kal maine kya kaha tha? Jab main aaun toh tum pehle pani lekar aao. Aur aaj toh guest bhi aaye hain aur तुमने unke samne meri naak katwa di! Punishment milegi tumhe."
Main 'Sorry' kehkar jaldi se kitchen mein gayi aur un donon ke liye pani lekar aayi. Donon madam ko pani dene ke baad maine glass liya aur kitchen mein rakhne ke baad wapas unke samne aakar khadi ho gayi.
Woh donon baatein kar rahi thiin. Uske baad Surekha ne mujhe dekha aur haste hue boli, "Kya baat hai Kumari, tumne toh ise bilkul apne जैसा bana diya! Kisi angle se ye Raj भैया nahi lag rahe hain."
Kumari ne haste hue kaha, "Arey, ab inko hi maid banna tha toh maine bana diya. Ab maid bane hain toh sab pata chalega ki kaisi hoti hai apni zindagi!"
Donon hasne lagiin aur Kumari ne mujhe kaha, "Jao, hamare liye chay-nashta lagao."
Main kitchen mein gayi aur donon ke liye plate lekar aayi. Donon madam dining table par baith gayi thin.
Kumari ne kaha, "Hum log nashta kar rahe hain, tab tak tum yahan hamare pairon ke paas murga bankar raho. Yehi tumhari punishment hai, aur aage se mera koi bhi order ya instruction bhulna mat, samjhi?"
Main "Ji madam" kaha aur donon madam ke samne murga bankar baith gayi.
Donon muskura rahi thiin aur nashta kar rahi thiin. Aur main, apni donon maid ke samne ek mard hokar bhi aurton ke kapde pehne hue unki maid ban chuka tha...