పల్సర్ to పెప్ప్

పల్సర్ కలలు... పెప్ జీవితం

రాత్రి పదకొండు గంటలు.

గ్రామం చివర రోడ్డుపై నల్లటి పల్సర్ 220 గర్జిస్తూ దూసుకుపోతోంది. హెల్మెట్ లోపల ఉన్న వ్యక్తి రవి. గాలిలో ఎగిరే జుట్టును వెనక్కి తోసుకుంటూ వేగంగా వెళ్తున్నాడు.

బైక్ అంటే అతనికి ప్రాణం.

"ఒకరోజు ఇండియా మొత్తం నా పల్సర్ మీద తిరుగుతాను" అని ఎప్పుడూ చెప్పేవాడు.

కానీ ఆ రాత్రి అతనికి తెలియదు...

కొన్ని సంవత్సరాల తర్వాత అదే రోడ్డుపై, అదే వ్యక్తి, చీర కట్టుకుని ఒక తెల్లని పెప్ స్కూటీ మీద కూరగాయల సంచి పెట్టుకుని వెళ్తాడని.

---

రవి పుట్టినప్పుడు అతని తల్లి సరోజమ్మకు ఒక కోరిక ఉండేది.

ఆమెకు ఎప్పటినుంచో ఒక ఆడపిల్ల కావాలి.

కానీ పుట్టింది కొడుకు.

ఆ బాధను బయటపెట్టకపోయినా, తన కొడుకును చిన్నప్పటి నుంచే ఆడపిల్లలా అలంకరించడం మొదలుపెట్టింది.

మొదట జుట్టు పెంచించింది.

తర్వాత పండుగలకు గాజులు.

కొన్ని సందర్భాల్లో లంగా ఓణీలు.

చిన్న పిల్లవాడిగా ఉన్నప్పుడు రవికి అవన్నీ ఆటలా అనిపించేవి.

కానీ వయసు పెరిగేకొద్దీ అసౌకర్యంగా మారాయి.

స్కూల్లో అందరూ "అమ్మాయి... అమ్మాయి..." అని వెక్కిరించేవారు.

రవి కోపంతో ఇంటికి వచ్చి జుట్టు కత్తిరించుకుంటానని అడిగేవాడు.

కానీ తల్లి ఒక్కటే చెప్పేది.

"నాకోసం."

ఆ రెండు పదాల ముందు రవి ఓడిపోయేవాడు.

---

ఇంటర్మీడియట్‌కి చేరేసరికి అతని జుట్టు నడుము వరకు వచ్చింది.

వీధిలో చాలామంది మొదటి చూపులో అమ్మాయిగా భావించేవారు.

అది రవికి అవమానంగా అనిపించేది.

అందుకే అతను బైకుల్లో తన స్వేచ్ఛను వెతికాడు.

పల్సర్ కొనుగోలు చేసిన రోజు అతను జీవితంలో మొదటిసారి నిజంగా సంతోషించాడు.

ఆ బైక్ మీద కూర్చున్నప్పుడు మాత్రమే అతనికి తాను నిజంగా తానేనన్న భావన కలిగేది.

రోడ్లు, వేగం, గాలి...

అవి అతని ప్రపంచం.

---

కాలం గడిచింది.

తల్లి ఆరోగ్యం క్షీణించింది.

ఒక రోజు ఆమె మంచంపై పడుకుని రవిని పిలిచింది.

"నాకో కోరిక ఉంది."

రవి నిశ్శబ్దంగా నిలబడ్డాడు.

"నువ్వు ఒకసారి చీర కట్టుకుని నా ముందు నిలబడాలి."

ఆ కోరిక విన్నప్పుడు అతని హృదయం భారమైంది.

కానీ తల్లిని తిరస్కరించలేకపోయాడు.

ఆ రోజు మొదటిసారి చీర కట్టుకున్నాడు.

అద్దంలో చూసుకున్నప్పుడు తానే తనని గుర్తుపట్టలేకపోయాడు.

పొడవాటి జుట్టు.

పట్టు చీర.

చిన్న బొట్టు.

గాజులు , పట్టీలు.

అతని తల్లి మాత్రం ఆనందంతో ఏడ్చింది.

"ఇప్పుడు నా మనసు నిండిపోయింది."

అది ఆమె చివరి పెద్ద కోరిక.

కొద్ది నెలల తర్వాత ఆమె మరణించింది.

---

తల్లి వెళ్లిపోయినా...

ఆమె జ్ఞాపకాలు మాత్రం ఇంట్లో మిగిలిపోయాయి.

జుట్టు కత్తిరించుకోవాలని అనుకున్నాడు.

కానీ ప్రతి సారి అద్దం ముందు నిలబడినప్పుడు తల్లి గుర్తొచ్చేది.

అలా సంవత్సరాలు గడిచాయి.

---

ఒక నగరంలో ఉద్యోగం చేస్తున్నప్పుడు అతనికి అరవింద్ పరిచయమయ్యాడు.

అరవింద్ మంచి స్వభావం కలవాడు.

రవి గతం గురించి తెలుసుకున్నా ఎప్పుడూ తీర్పు చెప్పలేదు.

వాళ్ల మధ్య బలమైన అనుబంధం ఏర్పడింది.

కొంతకాలం తర్వాత కలిసి జీవించడం ప్రారంభించారు.

---

ఇంటి జీవితంలో రవి క్రమంగా మారిపోయాడు.ఎంతలా అంటే ....