Secret of True Woman: Is it in Being a woman or in becoming a woman?

ఒక్క సారి నందిని కి ఫాన్స్ పెరిగి పోయారు. మేల్ ఉద్యోగుల భార్యలంతా ఆమె అందానికి ముగ్ధులయ్యారు. ఆమె డాన్స్ చేసిన తీరు, యం యస్ సుబ్బలక్ష్మి లాగా పాడిన తీరు వారందరికీ ఎంతో నచ్చింది. ఆమె పొడుగు కాళ్ళ సౌందర్యానికి పెళ్ళికాని ప్రసాదులంతా మత్తుకళ్ళతో ఆరాధకులయ్యారు. మొత్తం అందరూ ఎక్కడ చూసినా ఆమె గురించే చర్చ. అల్లాగే కంపెనీలోని మహిళా ఉద్యోగులందరికీ ఇంక ఆమె లో నందు కనబడటం లేదు. ఆమెలోని స్త్రీ కనబడుతోంది. అంతే కాదు ఆమెను అలా మలచుతున్న ఆనంది అంటే ఇంకా ఇష్టం ఏర్పడింది. ఆనంది పాడిన విధానం, అటు క్లాసికల్, ఇటు ఫోక్ సాంగ్స్ ఇలా అన్నీ బాగా పాడింది. ఇలా అందరూ ఆమెను కూడా బాగా పొగుడుతున్నారు. అటు కుటుంబ మహిళలు, ఇటు మహిళాఉద్యోగులు అందరూ వెళ్లిపోయే ముందు నందినిని ఒక్క సారి గట్టిగట్టిగా ప్రేమ తో కౌగలించుకున్నారు. ఆ తరువాత కుటుంబ మహిళలు ఆమెను, ఆనందిని తమ ఇళ్లకు రమ్మనమని పిలిచారు. అందరూ వెళ్ళేముందు ఆడవాళ్ళకు అందరికీ శాలిని తమ ఫార్మ్ హౌస్ కి వచ్చినందుకు చీర, రవికల గుడ్డ, పసుపు, కుంకుమ, పూలు ఇచ్చింది. నందినిని విశేషం గా అభినందించింది. ఇలా అందరి ఆనందపు వీడ్కోలుతో ఆనంది కుటుంబం తమ ఇంటికి బయల్దేరారు. ఇంక దారిపొడుగునా పంకజం, రోజా నందినిని తమ స్వంత కూతురులాగా అడ్డు, ఆపు లేకుండా పొగుడుతూనే ఉన్నారు. రోజా అయితే ఇంటికెళ్లాక నీకు దిష్టి తీస్తాను కూతురా! అంటూ క్షమించండమ్మా. నేను హద్దు మీరినట్టున్నాను. అంది మళ్ళీ వెంటనే. అప్పుడు నందిని రోజాతో అదేం లేదమ్మా. నాకు ఇలాగ ఒక అమ్మ దొరికింది. అంది. ఇక ఆనంది ఆనందానికి అవధులు లేవు. "బేబీ నీకు సంగీతంలో, నృత్యంలో అంత పట్టు ఉందని నాకు చెప్పలేదేమే? ఎంత బాగా పాడావె? అసలు ఆ గొంతులో ఎక్కడా కృత్రిమత లేదు. అల్లాగే నీ డాన్స్ లో ఆ గ్రెస్ ఎంత ఉందో?" అంటూ పొగుడుతూనే ఉంది. నెమ్మదిగా ఇంటికి చేరుకున్నారు. ఆ తరువాత పంకజం, రోజా వాళ్ళకి థాంక్స్ చెప్పి అమ్మ, మీరిద్దరూ దేవతలు తల్లీ. మీరు కలకాలం సుఖంగా ఉండాలి. మీ ఇద్దరికీ మంచి జరగాలి. నందినమ్మ త్వరగా మనలో ఒక్కతె అయోపోవాలి. వత్తామమ్మా. అంటూ వెళ్ళేముందు చెప్పినట్టు గానే నందినికి రోజా ఉప్పు గడ్డలతో దిష్టి తీసి నీళ్ళల్లో వేసి ఎక్కడో చెట్టు మొదట్లో పోసి వచ్చి ఇంటికి వెళ్ళి పోయింది. ఆ తరువాత తమ ఇంటిలో ఆనంది, నందిని మిగిలారు. కొద్దిగా ఫ్రెష్ అప్ అయ్యి నైటీలోకి మారారు. ఆనంది కొద్దిగా రిలాక్స్ డు గా సోఫాలో కూర్చుని ఉండగా నందిని వచ్చి ఆమె ముందు కాళ్ళ దగ్గర కూర్చొని ఆమె వొళ్ళో తల పెట్టుకుని ఆనందం, ఉద్వేగం కలగలపుగా ఏడుస్తూ రాణి, ఈ ఆడతనం నువ్వు నాకు పెట్టిన భిక్ష. ఈ జన్మకు నాకు ఈ దేవత ఇచ్చిన వరం. అంటూ వెక్కి వెక్కి ఏడుస్తోంది. వెంటనే నందిని తల నిమురుతూ నీలో ని స్త్రీ కి ఇంత త్వరగా పరిపక్వత వస్తుంది అని నేను ఊహించలేదు వదినా. నీకు ఇవాళ ఈ పిక్నిక్ లో చాలా పరీక్షలు జరిగాయి. అవన్నీ యాదృచ్ఛికంగా జరిగినవి మాత్రమే కాదు. డా. నీరజ నిన్ను జాగ్రత్తగా గమనించమంది. . అన్నీ పరీక్షలు చాలా చక్కగా జరిగాయి. ఒక స్త్రీకి సహజం గా ఉండే అంతర్ లక్షణాలు నీలో చాలా వరకూ కనబడ్డాయి. చీర కట్టుకుంటే ప్రతి మగ వాడు స్త్రీ అయిపోడు. అలాగే పాంటు, చొక్కా వేసుకుంటే ప్రతి ఆడది మగాడు అయిపోదు. ఆడదవటం అంటే చీర కట్టుకుని, చన్నులు, పిర్రలు పెంచుకుని కులుకుతూ నడవటం కాదు. స్త్రీ సహజమైన ఒక హూందాతనం, స్త్రీ కి సమాజం ఇచ్చిన హోదాను నిలుపు కోవటం ఇవన్నీ ఎంతో ముఖ్యం. అవి నీలో ప్రస్ఫుటం గా కనబడ్డాయి. నువ్వు పుట్టుకను బట్టి మగ అయినా మగవాళ్ళతో కలిసి ఆడవాళ్ళ పట్ల వెకిలి గానో, మరో దృష్టితోనో ప్రవర్తించ లేదు. అంతే కాదు. ఆడ దుస్తుల్లో ఉన్నావు కదా అని మగవారి పట్ల ఆకర్షితురాలివి కూడా కాలేదు. ఈరోజు స్త్రీ గా నీలోని మానసిక పరిపక్వత, సామాజికంగా మహిళ లతో కలిసి పోవటం, ఇవన్నీ చాల బాగా కనబడ్డాయి. మరో రహస్యం ఉంది. ఈరోజు పిక్నిక్ లో ఆడా? మగా? ఎవరు గొప్ప? అన్న క్విజ్ ప్రశ్నలు డా. నీరజ నిన్ను ప్రశ్నించటానికి ఇచ్చినవే. అవి ఎవరికీ తెలియకుండా వాళ్ళకి నేనే ఇచ్చాను. వాళ్ళకి కూడా నేను ఎందుకు ఇచ్చానో తెలియదు. అవి మాత్రం నీలో ఆడదాన్ని అంచనా వేయటం కోసం." అంటూ నందినిని లేవనెత్తి ఒక్క సారి గట్టిగా కౌగలించుకుంది. తరువాత ఇద్దరూ కొద్దిగా టిఫిన్ తిని త్వరగానే నిద్రకు ఉపక్రమించారు. నిద్రకు ఉపక్రమించే ముందు ఒకరి తలలో ఒకరు పూల మాలలు పెట్టుకున్నారు. నిద్రకు ఉపక్రమించారు అనడం కంటే ప్రక్కమీదకు చేరారు అంటే సరైనది. ఇద్దరూ ఒకరికి ఒకరు దగ్గరకు చేరి ఒకరినొకరు హత్తుకున్నారు. అది కామం లేని ప్రేమకు అభివ్యక్తి. ఒకరిది ప్రేమ. మరొకరిది ఆరాధన. ఒకరినొకరు ఇద్దరి మధ్య గ్యాప్ లేనంతగా పెనవేసుకున్నారు. ఇద్దరిదీ ఒకే భావన. ఒకరి పట్ల ఒకరికి ఎనలేని అనురాగం. నిద్రలోకి జారుకునే ముందు ఆనంది చెప్పింది. బేబీ నీకు ఇంత వరకు ఫిజికల్, సైకలాజికల్, ఇంటెలిజన్స్ అండ్ సోషల్ స్థితులలో నీ పరిపక్వత ఎలా ఉందో తెలుసుకునేందుకు పరిశీలన జరిగింది. గడచిన మూడు మాసాల నుంచి నీకు తెలియ కుండానే నీకు సైకలాజికల్ కౌన్సిలింగ్ జరుగుతూనే ఉంది. నీలోని ఫెమినైన్ ఇమోషనల్ కోషెన్ట్ చాలా హై స్థాయిలో ఉంది. ఇక పై గైనిక్ గా నీకు కాన్ స్టాంట్ గా ఒక తోడు అవసరం. నీ శరీరం లో ఎన్నో మార్పులు రాబోతున్నాయి. వాటన్నింటినీ చూసుకునే డాక్టర్ అవసరం. నీరజ నీకు డాక్టర్ మాత్రమే కాదు. ఒక ఫ్రెండ్ కూడా. నా ఫ్రెండ్ నీకు కూడా ఫ్రెండే కదా. రేపు సాయంత్రం ఆమెను కలుద్దాం. అని చెప్పింది. ఆతరువాత ఇద్దరూ ఏదో తెలియని ఆనందం లో నిద్రలోకి జారుకున్నారు. ఆ రాత్రి అలా గడిచింది. (సశేషం)